Fréttir

Kærar þakkir til nemenda okkar og foreldra varðandi hvað þið hafið tekið breyttu kennslufyrirkomulagi tónlistarskólans vel. Nú fer þessu fjarkennslutímabili senn að ljúka og mikið verðum við kennarar fegnir að fá að hitta nemendur okkar aftur frá og með 4. maí. Vorið er komið með sól og fuglasöng og við hlökkum til að vinna með nemendum okkar í maí mánuði og ljúka skólaárinu með skemmtilegum vortónleikum þó líklega verði þeir með öðru sniði en venjulega.

Miðvikudaginn 22. apríl var opnað fyrir umsóknir um tónlistarnám fyrir næsta skólaár.

Framkvæmdastjórn Nótunnar hefur ákveðið að ekki sé ráðlegt að halda afmælishátíð Nótunnar 29. mars næst komandi. Hátíðinni hefur verið frestað til 14. mars 2021.

Tónleikum Blásarasveitar Tónlistarskólans á Akureyri sem stóð til að halda í sal Borgarhólsskóla á sunnudaginn kemur, hefur verið frestað.

Uppskeruhátíð Tónlistarskóla Húsavíkur verður haldin sunnudaginn 1. mars.