Tónlistarskólinn á Húsavík

Stúlknakór Hamborgar var hér á Húsavík í gær í heimsókn hjá Tónlistarskóla Húsavíkur og Borgarhólsskóla. Sungu þær á sal með Barnakór Húsavíkur og svo sungu stúlkurnar nokkur lög einar. Þær notuðu einnig tækifærið og fóru í hvalaskoðun og skoðuðu sig um í bænum. Heimsóknin hingað var hluti af lengra prógrammi þeirra en þær munu ferðast um landið og heimsækja fleiri tónlistarskóla. Fjölskylduhátíð barnakórsins var svo kl. 18:00 í gær og gekk í alla staði vel.