Tónlistarskólinn á Húsavík

Tónlistaskóli Húsavíkur Norðurþing

Nýjustu fréttir

  • Skólalok

    Almennt - miđvikudagur 31.maí.17 11:03 - Lestrar 175
    Kennslu er nú lokið í Tónlistarskóla Húsavíkur þessa önnina. Kennarar og starfsfólk skólans þakka fyrir sig og óska nemendum gleðilegs sumars. Kennsla hefst aftur á haustönn mánudaginn 28. ágúst. Innritun hefst 22. ágúst við upphaf skólastarfs Borgarhólsskóla.

  • Skemmtileg upplifun

    Almennt - ţriđjudagur 9.maí.17 09:58 - Lestrar 300

    Ungt og efnilegt tónlistarfólk úr tónlistarskólanum kom fram á tónleikum Harmónikufélags Þingeyinga s.l. laugardag. Úr þessu varð skemmtileg upplifun fyrir þau og komu allir sáttir heim. Nokkrar myndir má sjá á facebook síðu skólans.


  • Íslensk danslög, ţjóđlög, kvćđalög og tvísöngur.

    Almennt - miđvikudagur 29.mar.17 10:31 - Lestrar 691

    Námskeið í Tónlistarskóla Húsavíkur 1. apríl frá kl. kl. 11:00 - 16:45

    Kennarar: Benjamín Beck, klarinettuleikari frá Danmörku, Wilma Young, fiðluleikari frá Skotlandi og Guðrún Ingimundardóttir.

     

    Síðastliðin fjögur ár hefur Benjamín Beck dvalið langtímum á Íslandi við að rannsaka tengingu á milli norrænu danstónlistarinnar og íslensku fiðlutónlistarinnar sem sterkust var í Þingeyjarsýslu á 19. öld og fram á þá 20. Fæstir Íslendingar þekkja til þessarar tónlistar þótt hún hafi spilað stórt hlutverk í lífi fólks á sínum tíma. Í vetur hefur Wilma Yong slegist í lið með Benjamin og munu þau koma til Húsavíkur laugardaginn 1. apríl til að segja frá uppgvötunum og óvissuþáttum sem rannsóknin hefur leitt í ljós og hvernig þessi danstónlist á Íslandi tengist þeirri norrænu. Þau munu einnig halda námskeið fyrir nemendur tónlistarskólans þar sem þau kenna nokkur þessara laga og íslens þjóðlög. Með í för verður Guðrún Ingimundardóttir sem mun halda námskeið í íslenskum kvæðasöng, kenna nokkrar perlur þingeyskra þjóðlaga og gömul tvísöngvana. Mælt er með því að nemendur taki upp lögin og kennsluna til að nýta og njóta síðar.

    Kynning Benjamins sem hefst kl. 11:00 og námskeiðin, sem skiptast í nokkra hópa, verða frá kl. 13:00-16:45 skv. eftirfarandi.

     

    Hljóðfæranámskeið - Íslensk dans- og þjóðlög

    1. 13:00 - 14:30 Byrjendur: Lærið að spila íslensk þjóðlög af ýmsum gerðum

    a.Tréblásara- og harmonikunemendur - kennari Benjamin Beck

    b. Strengjanemendur - kennari Wilma Young

    2. 15:00 - 16:45 Lengra komnir: Þetta er tækifæri til að kynnast gleymdum

     gersemum í íslensku tónlistarlífi. Lögin sem kennd verða voru leikin í

    Þingeyjarsýslu á 19. öld en eru nú af flestum gleymd.

    a. Tréblásara- og harmonikunemendur - kennari Benjamin Beck

    b. Strengjanemendur - kennari Wilma Yong

    Söngnámskeið: Þjóðlög úr Þingeyjarsýslu, kvæðalög og tvísöngur

    A. 13:00 - 14:30 Læriða að syngja nokkrar perlur þingeyskra þjóðlaga, ásamt

     kvæðalögum víðs vegar að af landinu. Allir velkomnir.

    B. 15: - 16:45 Lærið að syngja íslensku tvísöngvana sem lifðu með þjóðinni í um 700 ár.


    Enginn námskeiðskostnaður


  • Höfđingleg gjöf til tónlistarskólans

    Almennt - ţriđjudagur 21.mar.17 10:20 - Lestrar 726
    mynd tekin af síđu 640.is viđ afhendinguna
    Á Uppskeruhátíð tónlistarskólans færði Heiltónn Hollvinasamtök skólanum höfðinglega gjöf. Starfsfólk skólans þakkar Heiltóni og öllum þeim fjölmörgu sem lögðu skólanum lið í söfnunarátaki Heiltóns. Nemendur og gestir fá einnig sérstakar þakkir fyrir frábæra Uppskeruhátíð. Sjá umfjöllun 640.is um hátíðina hér fyrir neðan.


  • Nótan á Egilsstöđum

    Almennt - fimmtudagur 16.mar.17 11:15 - Lestrar 775

    Laugardaginn 18. mars verður Nótan haldin á Egilsstöðum.

    Þeir nemendur sem valdir voru til að spila á Nótunni frá Tónlistarskóla Húsavíkur eru eftirtaldir.


    Nóta 2017 þeir sem fara frá Húsavík eru:

     á tónleikum kl 14:00-15:00

    Fannar Ingi Sigmarsson, gítar

    Karítas Embla Kristinsdóttir, harmóníka

    Magnús Karl Kjerúlf, harmóníka

    Brynja Kristín Elíasdóttir, gítar

     á tónleikum kl 16:00-17:00

    Hafdís Inga Kristjánsdóttir, söngur

    Friðrika Bóel Jónsdóttir, píanó

    Elín Anna Óladóttir, píanó

     

    Þeir sem spila á fyrri tónleikunum munu leggja afstað um kl 9:00 um morguninn til að vera mætt í hljóðprufu 12:15 í kirkjunni. Að verðlaunaafhendingu lokinni eftir tónleikana er þeim frjálst að fara heim með foreldrum sínum.

    Þeir sem spila á seinni tónleikunum er frjálst að koma beint á fyrri tónleikana kl. 14:00 eða koma að þeim loknum kl. 15:00 og gera þá smá hljóðprufu í hléinum fyrir seinni tónleikan sem hefjast kl. 16:00.

    Þetta er langt ferðalag og langur dagur og því er ekki hægt að ætlast til þess að nemendur verði til staðar á dagskrá sem þeir eru ekki að taka þátt í með beinum hætti.

    Mikilvægt er að taka með gott nesti. Upplýsingar verða veittar um þá staði sem hægt er kaupa hressingu á þegar komið verður á svæðið.

    Dagskráin á Egilsstöðum:

    Hver skóli fær 15 mínútur á sviði í kirkjunni til þess að athuga uppstillingu og prófa hljóðkerfi.

    12:15 - 12:30 Tónlistarskóli Húsavíkur

    13:30-14:00 Undirbúningur fyrri tónleika

    14:00-15:00 Fyrri tónleikar: grunnnámsflokkur

    15:00-16:00 Valnefnd velur verðlaunaatriði af fyrri tónleikum

    Undirbúningur fyrir seinni tónleika

    16:00-17:00 Seinni tónleikar: opinn flokkur, miðnámsflokkur, framhaldsnámsflokkur

    17:00-18:00 Valnefnd velur verðlaunaatriði af seinni tónleikum

    18:00-18:30 Verðlaunaafhending


  • Uppskeruhátíđ tónlistarskólans

    Almennt - ţriđjudagur 7.mar.17 12:24 - Lestrar 816
    Dagur tónlistarskóla var 25. febrúar s.l. en af óviðráðanlegum ástæðum var ekki hægt að halda tónleika þann dag eins og venjan er.

    Laugardaginn 11. mars verður því Uppskeruhátíð Tónlistarskóla Húsavíkur. 
    í sal Borgarhólsskóla. Tvennir tónleikar verða haldnir þann dag þeir fyrri kl. 14:00 og þeir seinni kl. 16:00.
    Þar munu fjölmörg ungmenni koma fram og sýna hæfni sína með fjölbreyttum tónlistarflutningi.

    Hollvinasamtök tónlistarskólans verða með kaffisölu á milli tónleika og rennur ágóðinn til tónlistarskólans. Einnig munu Hollvinasamtök skólans afhenda tónlistarskólanum peningagjöf sem er afrakstur söfnunarátaks til kaupa á nýjum hljóðfærum fyrir skólann.

    En eins og segir í þriðju grein samþykkta félagsins er markmið þess að...
    a. styrkja og efla TH og almennt tónlistarstarf t.a.m. með skipulagningu viðburða, myndun tengslanets, fjárhagslegum eða faglegum stuðningi.
    b. styrkja tengsl TH við fyrrum nemendur, nærsamfélagið og aðra þá sem bera hag skólans fyrir brjósti.
    c. stuðla að viðurkenningu menningar- og tónlistaruppeldis.

    Allir hjartanlega velkomnir.

moya - Útgáfa 1.7 2006 - Stefna ehf

Innskráning