Tónlistarskólinn á Húsavík

Nánar um ferðalag gítarnema til Hvammstanga. Ferðasaga Þorvaldar Más Guðmundssonar gítarkennara og fyrrum nemanda í Tónlistarskóla Húsavíkur.

Vortónleikar söngdeildar verða haldnir 14. mai kl. 20:30. í sal Borgarhólsskóla.

Að þessu sinni syngja nemendur Hólmfríðar Ben og er píanóleikari Aladár Rácz.
Einnig kemur fram nýstofnuð hljómsveit 7. bekkjar undir stjórn Gunnars Illuga Sigurðssonar.
Efnisskráin er afar fjölbreytt. Dægurlög, íslensk og erlend sönglög og söngleikjatónlist.
Öllum er heimilaður ókeypis aðgangur.

Sjá dagskrá

Mánudaginn 7. maí verða klassíkir söngtónleikar í Miðhvammi.
Tónleikarnir hefjast kl. 20:30, enginn aðgangseyrir er
og allir hjartanlega velkomnir.

Fram koma Judit György og Elisabeth Hauge, undirleikari er Aladár Rácz.

Tveir kórar heimsækja Barnakór Húsavíkur á morgun 4. maí.
Kórarnir þrír halda síðan tónleika á sal Borgarhólsskóla kl. 17:00 og er öllum heimilaður ókeypis aðgangur.

Auk Barnakórs Húsavíkur sem Hólmfríður Benediktsdóttir stjórnar að vanda syngja
Kór Giljaskóla undir stjórn Ástu Magnúsdóttur og
Barnakór Akureyrarkirkju undir stjórn Sigrúnar Þórsteinsdóttir.

Miðvikudaginn 2. maí n.k. kl. 20:00
verða klassískir söngtónleikar (dúettar)
fluttir í sal Borgarhólsskóla

Fram koma Elísabeth Hauge og Judit György, undirleikari er Aladár Rácz

Enginn aðgangseyrir
 

Dagana 21. og 22. apríl var efnt til gítarsamleiks á Hvammstanga. Þátttakendur voru nemendur frá Tónskóla Sigursveins, Tónlistarskóla Reykjanesbæjar, Tónlistarskóla Vesturhúnavatnssýslu og Tónlistarskóla Húsavíkur. Fulltrúar frá Tónlistarskóla Húsavíkur vor þeir Axel Flóvent Daðason. Brynjar Friðrik Pétursson, Gunnar Ingi Jósepsson og Kristján Elinór Helgason ásamt kennaranum Leifi Vilhelm. Ferðin tókst í alla staði mjög vel, allt skipulag heimamanna til fyrirmyndar og aðstaða eins og best verður á kosið. Aðal skipuleggjandi þessa framtaks og stjórnandi var Húsvíkingurinn Þorvaldur Már Guðmundsson gítarkennari.